– врши стручно високообразовна, научно-истражувачка, апликативна дејност во меѓусебно поврзани стручни дисциплини во рамките на ХАЈДЕЛБЕРГ ФАКУЛТЕТ ВО СКОПЈЕ и се грижи за нивниот развој;  

– реализира меѓународна сертификација со ЕКТС кредити во партнерство со специјализирани институции за стручно образование во областите: претприемништво, бизнис, менаџмент, финансии, банкарство и информатички технологии;

– помага при вработување на студенти кои во текот на студирањето ќе се запишат на ХАЈДЕЛБЕРГ ФАКУЛТЕТ ВО СКОПЈЕ по принципот „работи-студирај“; 

– врши финансиска и деловна едукација и зголемување на нивото на финансиска писменост на населението, како и развој на финансиската и деловната наука во Република Северна Македонија; 

– реализира унапредување на регионална и меѓународна соработка со универзитети, средни училишта, институти, академии и други формални и неформални образовни институции;      

– спроведува учење на далечина, „е-учење“, преку специјализирана обука и едукација во областите: бизнис, банкарство, сметководство, контролинг, информатички технологии и претприемништво;

– го промовира претприемништвото како модерна деловна и развојна филозофија на приватни и јавни, економски и непрофитни претпријатија и профитни и непрофитни организации;

– развива издавачка дејност во насока на обезбедување достапност на информации до јавноста и развој на научната мисла; 

– им помага на студентите при учество во регионални проекти и користење на европски и други меѓународни фондови  

– создава во континуитет, креативна интелигенција која ќе биде водилка за секој поединец во функција на создавање успех;

– врши регрутирање, унапредување и развој на квалитетни човечки ресурси, преку развивање на волонтерска пракса;  

– организира семинари, конференции, конгреси, симпозиуми, дебати, трибини и други научни, стручни собири, во земјата и странство во согласност со овој Статут;

– во рамките на интегрираниот библиотетско-информативен систем на Установата, ја организира работата на библиотеката и врши библиотетско-информативна и документациска дејност

– издава уверенија и други документи за завршени студии и други видови на образование, според условите утврдени со Статутот, како и други документи за статусот на студентот во текот на студирањето;

– предлага и презема мерки за подобрување и заштита на стандардот на учениците и вработените;

– реализира различни форми на надградување, продлабочување или проширување на знаењата и континуирана едукација;

– разменува научни и стручни услуги со домашни и странски физички и правни лица;

– организира стручна и административна служба;

– се грижи и презема мерки за усовршување на кадарот кој врши високообразовна, научноистражувачка и уметничка дејност и за кадарот во стручната и административната служба;

– се грижи и презема мерки за тековно и инвестициско одржување на објекти и имот;

– ХАЈДЕЛБЕРГ ФАКУЛТЕТ ВО СКОПЈЕ основа Центар за кариера и организира саеми за кариера;

– врши други работи утврдени со закон и Статут.