Хајделберг факултет Скопје со гордост го објавува официјалното формирање на Бизнис советот, стратешки советодавен одбор насочен кон зајакнување на соработката помеѓу академската заедница, студентите и бизнис секторот. Свечената церемонија се одржа денеска во просториите на факултетот.

Бизнис советот претставува платформа за заедничка работа чија цел е да се надминат предизвиците на пазарот на трудот, особено недостатокот на квалификуван кадар. Советот ќе овозможи поврзување на теоретското образование со реалните деловни потреби преку заеднички проекти, пракси и иновации.

„Формирањето на Бизнис советот означува нова ера на партнерство и раст,” изјави деканот на Хајделберг Скопје, проф. д-р Горан Василев, „посветени сме на развој на идни професионалци преку создавање средина каде што академијата и индустријата соработуваат за заеднички успех”.

Основачите на Советот се истакнати претставници од различни индустрии со заедничка визија за економски развој на земјата. Преку креирање мрежа од стратешки партнерства, Хајделберг има за цел да го поддржи професионалниот развој на младите и да ја зголеми конкурентноста на пазарот на трудот во Северна Македонија.

Церемонијата вклучуваше воведни говори, презентација на целите на Советот и панел дискусија за развој на квалификувани кадри. Настанот заврши со сесија за вмрежување, поставувајќи основа за идни соработки.

Во моментов членки на Бизнис Советот се 20-тина успешни и реномирани компании, а во завршна фаза е приклучувањето уште други 20-тина компании. Подолу е листата на компании кои веќе се членови на Бизнис Советот:

Sparkasse Bank AD Skopje

SAVA Pension Fund AD Skopje

Silk Road Bank AD Skopje

TTK Bank AD Skopje

Triglav Life Insurance

Mint Fintech Group Bitola

Melon Solutions

EOS Matrix

Vitaminka AD Prilep

Reaktiv

Quipu

Valtek

Tinex

Digital Center

ZIKOL Strumica

Special Product

Direct Media

Element PR

Lek Ljubljana

Optimum Creative Solution

Vezeshari Tetovo

LEAR Tetovo

Motiva